Karneval

Karnevalska grupa Koljnofski Djedi osnovana je 2010. ljeta s ciljem, da se stari običaj mesapusta, ki se je gajio duga ljeta oživi i očuva. Zahvaljuljući našin prijateljem iz Grobničkog kraja i Rijeke sudjelivali smo već puti i na nadaleko poznatom Riječkom karnevalu. bili smo 5 puti aktivna grupa, pa ćemo i va von ljeti  koncem februara  biti tamo i pozdraviti Rijeku, kot i kulturni glavni varoš Europe. Prošloga ljeta smo imali u goste karnevalsku grupu iz pašca, ki su nan domaćini na karnevalu u Rijeki i ki su nas pozvali i ovoga puta, čemu se mki jako veselimo.karnevalska povorka va našem mjestu je bila velika atrakcija i senzacija, aš toliki lipi maskov naši ljudi more bit još nisu vidili va svon žitku. Čuda toga smo vidili va Rijeki i okolici, a isto tako dost toga i pokazali našin gostom. Naše prijateljstvo dura već jedno desetljeće i se ufamo da će to tako i ostati va budućnosti.